Transcription
1
Monsieur, jestime que vous aurés entendu par la lettre que vous a escripte
2
monsieur de La Tivolière le partement de La Mure des ennemis, qui fust
3
plus soudain quilz nesperoyent quant ilz y arrivèrent. Ilz eurent, comme
4
jay entendu, quelque mandemant de sacheminer du costé de Serre, comme ilz
5
firent ; comme de mesme ay je sceu par ung qui venoit de Gap, ont faict
6
ceulx qui estoyent à Chorges qui estoyent il y a cinq jours auiourdhuy,
7
près de Taillard aulx villaiges circonvoysins. Monsieur le president de Portes
8
et ledit sieur de La Tivolière ont estés davis de’nvoyer [sic] Le Vent [Du Vant] à
9
messieurs le conte de Beynes, marquis de La Chambre et de La Roche pour
10
leur porter vous lettres et se tenir asseurés deus de leur volunté et de
11
ce quilz porront fère sil se presente quelque occasion à celle fin que silz
12
reviennent, comme lon en faict le bruit, on leur puisse donner surs les
13
doigtz. Et quant à mon particulier, je ne desire leur servir que de guyde
14
avec une troupe de mes amys que jauray près de moy et reposés
15
vous seulement surs cella sil vous plaist car le service du roy ne
16
sera jamays retardé pour moy pour telle occasion ny pour aultre que je
17
puisse cognoistre et particulierement en ce qui viendra de vous
18
commandementz. Au demeurant, jay entendu dudit Vent ce quil vous a
19
pleu de luy dire touchant le faict de la cappitenerye du chasteau de
20
La Mure. Je vous diray encores une foys ce que par cy devant je vous ay
21escript qui est que si je neusse cogneu La Balme tel que [barré : s ] ces euvres
22
lon faict paroystre insufisant de ceste charge, je vous promès, monsieur,
23
que javoys si peu daffezction aillieurs que je ne vous en eusse jamays
24
importuné, ny pressé comme jay faict et masseure que vous aurés tel
25
contentemant du proceder et fasson de vivre de celluy qui y est, que vous
26
ne serés marry en avoir faict le changement. Je ne veulx oblier à vous
27
[307 v°] dire comme deulx soldatz de ceste garnison despuys ceste dernière venue des
28
ennemis, se sont remis avec eulx et quelques aultres de la ville que je avoys
29
au paravant gardé deulx y en ailler. Je dis despuys mon arrivée de la
30
court et dict lon quil y en a une aultre troupe de bien cinquante prestz
31
à desbusquer. Mondit sieur le precident [sic] nous faict aussi entendre ladvis quil a
32
du seigneur Carle de Birague qui me gardera vous fère ceste cy plus longue
33
que pour me recommander très humblemant à votre bonne grace, priant
34
le Createur vous tenir,
35
monsieur, en très bonne santé, très longue et très heureuse vye.
36
De Grenoble, le XXIIIme de febvrier 1574.
37
Votre très humble allyé et très affectionné
38
serviteur
39
Monestier.